Протестите во САД после смртта на Афроaмeриканецот Џорџ Флојд, кој страдаше поради бојата на својата кожа, поддршка во борбата против расизмот дојде и од спортскиот бренд Nike, кој својот познат слоган Just Do It (Направи го тоа), го смени во For Once Don’t Do It (Барем еднаш не го прави тоа).
Кампањата за поддршка на борбата против расизмот привлече големо внимание на јавноста, осудувајќи ги постапките и законите што доведоа до смртта на Флојд.
Во кратко и ефикасно видео на Инстаграм, Nike недвосмислено ги осудува расистичките испади на полицијата и вели: „Не се преправај дека не постои проблем во Америка. Не врти го грбот на расизмот. Не прифаќај да бидат одземени невини животи. Не барај повеќе изговори. Немој да мислиш дека тоа не влијае на тебе. Немој да седиш на страна и да молчиш. Немој да мислиш дека не можеш да бидеш дел од промената. Ајде сите да бидеме дел од промената“, вели брендот Nike и со официјалниот хаштаг #UntilWeAllWin покажа дека е дел од борбата против расизмот, насилството и агресијата и дека сите луѓе мора да бидат еднакви, затоа што тоа е единствениот начин за подобрување.
Нема коментари