Модните икони од 70-тите години: Џери Хол, Шер, Џејн Биркин, Анџелика Хјустон и Бјанка Џегер биле инспирација за новата колекција на битолскиот дизајнер Никола Петровски. Линијата „Бохо шик“ премиерно ќе биде претставена на 3. април во 19.30 во рамки на 13-то издание на Моден викенд-Скопје. Петровски е еден од ретките наши креатори што редовно лансира колекции една сезона порано, по терк на светската пракса. Така, во недела, во салонот на „Порше Македонија“ ќе ги погледнеме неговите модни предлози за сезоната есен-зима 2016/2017. Со оваа колекција пролетва одбележува 20 години од својата прва ревија.
Стилот на Џери Хол, Шер и Џејн Биркин е инспирација за Петровски
Инспирација за колекцијата ми беше… бохо стилот и раните 70-ти од минатиот век и за мене модните икони од тој период како Џери Хол, Шер, Џејн Биркин, Анџелика Хјустон и Бјанка Џегер. Линијата ја нареков „Бохо Шик“, а е наменета за сезоната есен-зима 2016/2017.
Моделите се изработени од …Материјалите кои ги употребив се различни: памучен сомот, трико од памук и вискоза, велур, жоржет, чипка и елементи од еко кожа, а преовладуваат земјени бои, најмногу кафеавата, портокалова, црвена, златна и разлика од друг пат црната ја има во поголема мера.
Креациите се наменети за жени со слободен дух
Креациите се наменети за жени што … Таргет група ми се секако моите клиентки пред сè, а и сите оние кои не сакаат да бидат сместени во некаква група или категорија, луѓе храбри и со слободен дух.
По Модниот викенд колекцијата ќе… По претствувањето во Скопје колекцијата ќе ја покажам и пред публиката во мојата Битола и секако ќе следува и фотосесија… Оваа пролет славам 20 години од мојата прва ревија, па и промоцијата на колекцијата ќе биде во тоа име, надополнета со ретроспектива од мојата досегашна работа.
Линијата ја претставувам со поддршка на… Ревијата во рамки на Модниот викенд-Скопје е поддржана од „ПроМедика Естетик“.
Со оваа коелкција Никола Петровски прославува 20 години од својата прва ревија
Нема коментари