Концерт на „Фанк шуи“ и најава на новиот албум на Влатко Стефановски на денешниот новогодишен онлајн-настан на „Арс Ламина“ и „Литература.мк“
Настанот ќе опфати и музички настап на македонската група „Фанк шуи“ (Funk Shui), позната по својот уникатен музички израз кој комбинира повеќе различни ритмови и алтернативни инструментални музички жанрови. Ќе бидат споделени и кратки видеоразговори со дел од авторите на „Арс Ламина“ и пријатели на двете компании, кои ја обликуваа книжевната сцена оваа 2020 година. Меѓу нив се и Неле Карајлиќ, Славомир Футро, Васко Тодоров, Јана Мишо, Моџо Килингтон и Давор Панчевски. Модератор на настанот ќе биде водителот Марко Марк.
Сите заинтересирани во петок ќе можат да го проследат настанот на фејсбук-профилите на „Арс Ламина“ и „Литература.мк“, како и на каналот Литература.мк на „Јутјуб“, со почеток од 21 часот.
Да свртиме нова страница и да ја почнеме 2021 година со добра музика, добра книга, во добро друштво и со многу љубов!
Нема коментари