Да се биде верен на својот стил и да се носат омилените парчиња облека е позитивна работа, а да се пронајдат креации кои совршено одговараат на вашата градба е нешто по што сите трагаме кога е модата во прашања. Во тој контекст, Оливија Палермо која е омилен лик во однос на способноста за склопување интересни стајлизни, со текот на годините има откриено еден пар панталони што толку ѝ се допаѓаат и добро ѝ стојат, што ги носи често и во секакви пригоди. Станува збор за еден крој на кожени тесни панталони во црна боја, на кој е верна со години.
За Палермо кожените тесни панталони се безвременски и успева да ги комбинира со различни парчиња облека и додатоци, со предимензионирани капути или бомбер јакна, со патики за дневно излегување или високи потпетици за вечерна пригода. Овој стил на панталони е некој вид на зимска верзија на skinny фармерки, додаваат дополнителен слој на топлина, но можат да се носат и во следниве месеци додека не стане претопло поради пролетното сонце. Како сите други тесни кроеви ја издолжуваат силуетата, нешто што секоја жена сака да го постигне со облеката. Еве неколку стајлинзи на Оливија со омилените панталони.
Нема коментари