Промовирана козметичката линија Skin Food на природниот и органски бренд Weleda
Во светот на козметиката и негата на кожата постојат неколку производи со култен статус и кои даваат извонредни резултати по нивната употреба, универзалниот крем Skin Food на Weleda секако е еден од нив. Овој богат крем базиран на природни билки и холистички пристап, лансиран е во 1926 година, но импресивно е што и денес се продава со непроменета формула и сѐ уште е омилен како дел од негата на Викторија Бекам, Ријана, Адел, Џулија Робертс и бројни други познати личности, кои повеќепати изјавиле дека овој крем е дел од нивната секојдневна нега.Кремот Weleda Skin Food достапен е кај нас веќе седум години, а тимот на Weleda Macedonia деновиве го промовираше заедно со уште три нови производиод линијата Skin Food. Во живописната атмосфера на Three Kitchen & Bar неколку медиуми, блогери, инфлуенсери и шминкери ги „дегустираа“ производите на Weleda. На менито беа оригиналниот универзален крем Skin Food, новиот раскошен Skin Food путер за тело, Skin Food балсамот за усни, како и Food Light, полесна верзија на оригиналниот Skin Food крем.
Сѐ започна во 1921 година кога е основана Weleda, приказна за природниот и органски бренд кој со својот квалитет и одржливост се пренесува скоро сто години. Weleda е водечки производител и пионер во холистичката природна козметика и антропозофски медицински препарати кои им овозможуваат на луѓето благосостојба и виталност.
-Weleda е компанија инспирирана од антропозофијата. Основачот на Weleda, Dr.Rudolf Steiner ги создаде првите биодинамички градини во 1920-те. Биодинамичката агрикултура е холистички метод на фармерство, носејќи ги органските стандарди чекор напред каде градините се комплетен еко-систем. Скоро еден век подоцна, основните принципи се променети многу малку. Денес Weleda, сертифицирана по највисоките NATRUE стандарди, е водечки производител на холистичка, природна, органска козметика, како и на фармацевтски производи за антропозофска терапија. Weleda е единствената компанија која економски напредува, а која истовремено е племенита и посветена на благосостојбата на нашата планета, животната средина и луѓето.
Нашето мото „Во хармонија со човекот и природата“ е вистински систем на разбирање кој се применува од основањето на компанијата. И после повеќе од 90 години визијата е сѐ уште современа.
“YOU ARE NATURE!” е кампања со која ја зголемуваме свесноста дека е нераскинлива врската помеѓу човекот и природата и славиме дека секој од нас е природа, иако модерниот живот секојдневно тежи да не дисконектира од нашите корени – објаснија од Weleda Macedonia.
ТИ СИ ПРИРОДА
Целта на компанијата Weleda е да го зајакне и обнови здравјето на луѓето. Тоа што Weleda го започна во 1921 година во фармацевтската лабораторија со својата сопствена градина, денес е водечки производител на холистичка природна козметика и медицински препарати за антропзофкса терапија.
WELEDA SKIN FOOD
Оригиналниот крем Skin Foodуште од 1926 година ги освојува љубителите на козметиката. Ова е најдобро продаван производ на Weleda и се смета за чудотворен крем. Самото име кажува дека е „храна за кожата“, содржи висококвалитетни природни состојки и има моќ длабински да ја обнови сувата и испукана кожа.
Ако постои нешто кое треба да го понесете со вас на пуст остров, тоа е оваа мала магична зелена туба. Skin Food е универзален спасител за сува, рапава кожа на лицето, лактите, рацете и стапалата со помош на екстракти од нежна темјанушка, невен, камилица во комбинација со сончогледово масло, бадемово масло и пчелин восок. Skin Food е крем која ја сака вашата кожа. Ја подобрува хидратацијата на кожата, ја зајакнува и омекнува и значително ги регенерира клетките.
WELEDA SKIN FOOD LIGHT
Ќе се заљубите во неговиот нежен, освежувачки допир, како ладен пијалак за интензивна хидратација на жедната и сува кожа. Skin Food Light кремот веднаш по нанесувањето носи пријатно чувство на кожата. Овој лесен крем кој брзо се впива ги комбинира органското сончогледово масло со природните, смирувачки екстракти на темјанушка, камилица, рузмарин и невен. Кожата веднаш ја чувствува нежната нега и интензивната хидратација, додека лесната формула ја обновува заштитната бариера на кожата, заштитувајќи ја од сушење. Идеален сопатник во текот на денот, можете да ја користите додека сте во движење, бидејќи брзо се апсорбира, оставајќи ја кожата мека, свиленкасто нежна и спремна за предизвици.
WELEDA SKIN FOOD BODY BUTTER
Путерот се топи на кожата, оставајќи ја мека, блескава и неодолива. Нежната кремаста текстура ја хидрира кожата и не остава леплив, масен сјај. Совршен за целосна хидратација и хранливост на кожата во сите годишни времиња. Weleda Skin Food Body Butter е богат со растителни состојки, сончогледово масло, ши путер и путер од семки од какао, кои ги задоволуваат сите ваши сетила. На кожата ѝ дава длабинска хидратација и моменти на уживање во прекрасниот мирис и раскошната текстура.
WELEDA SKIN FOOD LIP BALM
Дозволете си себе си чувство на неодоливи нежни усни, посебно за време на ладните временски прилики. Негувани и сензуални усни се главна цел на Weleda Skin Food балсамот за усни. Растителните состојки интензивно ги хранат и хидрираат дури и најсувите и оштетени усни. Претставува богата ботаничка мешавина од есенцијални масла, пчелин восок, екстракт од темјанушка, невен, камилица, кои усните ги прават меки, мазни и спремни за бакнежи.
Weleda Skin Food произвдите се сертифицирани од NaTrue и спаѓаат во категоријата на природна козметика. Не содржат вештачки конзерванси, мириси, бои и суровини на база на минерални масла. Козметиката на Weleda е достапна во подобро снабдените аптеки.
Нема коментари