Новото ателје за уникатен накит, „Алка“, во кое креативните сили ги обединуваат дизајнерките Даниела Наумова и Елена Поповска, на 24 септември (среда) во 20 часот ќе биде официјално отворено. Љубителите на современ накит, изработен со традиционалните техники, во новото креативно катче, сместено во скопската населба Капиштец, веднаш до култните пицерии „Балила“ и „511“ , ќе може да набават ѓердани, алки, брошеви и обетки со потпис на Наумова (Danna Art Jewelry) и Поповска (My Precious).
-Идејата за ателјето „Алка“ настана пред една година, во моментите на оджувањето на заедничките работилници во просториите на Занаетчиската комора – Скопје, кои беа дел од проектот за Креативни индустрии, поддржан од Министерстово за култура. Заедничкото лого на ателјето произлезе од поврзаноста на нашите креации во една логичка целина – и двете користиме стари техники на изработка на накит Danna – wire wrapping( плетење со жица) и разновидни кујунџиски техники, a My Precious филигранска техника, и двете се стремиме со тие традиционални техники да создадеме современи парчиња накит-велат Наумова и Поповска.
Oтворањето e замислено како мала забава со пријателите, клиентите и колегите и истакнати јавни личности, пред кои ќе ги престават најновите колекции: Danna – „Змејот со оган во срцето”, а My Precious – „Сребрена роза”. Сакаат на лицеместо да го слушнате мислењето на гостите за нивнитедизајни.
-Заедно ќе прославиме за успешен старт на работата. Тоа е место кое од една страна ни овозможува интимност во моментите на творење, а во исто време е и лесно достапно до нашите драги пријатели и клиенти. Галеријата на ателјето е катчето во кое ги создаваме нашите дела, а во долниот- изложбениот дел истите се достапни за нашите клиенти-велат тие.
Креациите на „Алка“ имавме можност да ги погледнеме на саемот „Паратисима“ во Скопје
Двете авторки, кои под етикетата „Алка“ имавме можност да ги погледнеме на првото издание на саемот за современа уметност, „Паратисима“, делумно се разликуваат во користењето на материјалот за работа. Но, велат дека често пати знаат да го искористат знаењето на другиот во обработката на металот во одредена техника, така да може да нарават парче накит што ќе ги претстaви нивните моментални чувства. Danna најмногу користи, бакар, месинг, сребро, додека во креациите на My Precious најмногу е застапено среброто. И двете како дополнителни елементи ги употребуваат полускапоцените камења, бисерите, кристалите. (А.Н.)
Дизајни на Даниела Наумова (Danna Art Jewelry)
Danna најмногу користи, бакар, месинг и сребро
Во креациите на My Precious најмногу е застапено среброто
Дела на Елена Поповска (My Precious)
Нема коментари