Патување без физичко движење со помош на модата ни овозможија големите модни куќи што се претставија на последната Париска модна недела. Враќање во минатото за да се замисли иднината, шетање низ бајките и одлетување до Месечината, научна фантастика и футуристички ткаенини, потсетување на минати ери за да се направи проекција на иднината, како стилски импулс на дизајнерите. Еве еден видео приказ на некои од најзначајните колекции за есен-зима 2021/22.
ШАНЕЛ
Временската машина на оваа модна куќа нè врати во боемските 70-ти – ерата на славење на слободата, хипи движењето и стилот на Џејн Биркин
ДИОР
Моден осврт на готиката, луксузен уличен стил, но и бајковидни фустани за сите идни свечени настани. Според дизајнерката Марија Грација Кјури, колекција е инспирирана од „бајките со феминистичка порака“.
БАЛМАН
Флуоесцентни бои, металик материјали и футуристички форми – предлог за патување на Месечината и доза на милитаистички стил за освојување на Марс
ИЗАБЕЛ МАРАНТ
Што ќе носат помодарките во 2030 година?! Изабел претстави мода позајмена од 80-тите од минатиот век, но реализирана во материјали од идните 30-ти на овој век!
ЖИВАНШИ
Авангардни дизајни во црна боја, реминесценција на 90-тите, дистопија и научно-фантастични филмови
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари