Ако Париз е врвот во модата тогаш австралискиот дизајнер Тони Матичевски во моментов е на врвот на светот откако за прв пат учествуваше на модна ревија во француската метропола и за време на Париската недела на висока мода ја претстави својата нова ресорт колекција. Дизајнерот од македонско потекло има искуство со Њујоршката модна недела и со години се претставува во Австралија каде што е роден, а ова е негово деби на париските писти.
Ресорт колекцијата за 2018 на Матичевски содржи структурална силуета, романтика, елегантни кроеви, принт, текстура и многу љубов. Иако не се претстави со висока мода, структурално-архитектонските форми на Матичевски се многу блиску со haute couture концептот, преку моделите со кои ги надминува креативните граници и занаетчиството вткаено во неговите внимателно креаирани креации.
Креаторот Матичевски кој се смета за еден најуспешните и најкреативните во Австралија, во Париз веднаш го сврте вниманието и на познатата модна критичарка Сузи Менкез од изданијата на Vogue, која за колекцијата вели дека е свежа и многу ѝ се допаѓа содржи огромна количина на детали, но тоа не ја расипува линијата на облеката. На Инстаграм пиша “Честитки до Тони Матичевски за доведување на неговата австралиска елеганција во Париз и кој направи комплексните изработки да изгледаат меѓународно шик.“
Матичевски ќе продолжи да го освојува Париз, тој е веќе во преговори со Chambre Syndicale за негово идно вклучување во официјалниот распоред на Париската модна недела со prêt-a-porter облека, а еден ден зошто и да не и со соuture колекција.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари