Ема Вотсон, Кристен Стјуарт и Клер Фој се ѕвездите на календарот на „Пирели“ за 2020 година, во кој се открива нова замисла за еден од најпознатите ликови во светската литература – Шекспировата Јулија. Новото издание на познатиот календар беше откриено вчера во Верона, Италија, на гала настан кој го водеше актерката Вупи Голдберг. Насловен „Барајќи ја Јулија“, календарот е фотографиран од страна на познатиот моден фотограф Паоло Роверси. За фотосесијата тој ангажира девет жени од светот на филмот, телевизијата, уметноста и музиката, кои пред неговиот објектив даваат модерна интерпретација на Јулија.
Од вчерашниот настан во Верона
Ова е сосема поинаква визија за календарите на компанијата за автомобилски гуми „Пирели“, која со децении лансираше календари со разголени, пинап девојки и манекенки, кои обично беа делени на клиентите и вообичаено висеа на ѕидовите на автомобилските работилници. Тоа и беше оригиналната идеја, но со текот на годините календарот добиваше пософистициран и помодерен изглед, последниве години се смени концептот и се отфрли голотијата, а на фотографиите позираат успешни жени од разни области. Според фотографиите од календарот Пирели 2020, забележуваме уште еден исчекор од оригиналната идеја и претставен е сосема поинаков наратив.
Ема Вотсон
Календарот е снимен во Париз и Верона во мај годинава. Фотографот Паоло за темата изјави: „Јулија отсекогаш била референца во мојот свет. Мојата работа се однесува на жените и Јулија секогаш била голема референца, голем сон, голема илузија и идејата да ја барам Jулија е причина, изговор да се сретнам со оваа личност и причината да фотографирам на оваа тема. Мислам дека кога ќе погледнете фотографија на некоја девојка, можно е да ја видите сличноста со Јулија. Сè уште ја барам мојата Јулија и ќе трагам по неа цел живот. Бидејќи Јулија е сон“.
Покрај Вотсон, Стјуарт и Фој во каленарот се појавуваат актерките Миа Гот, Индија Мур, Јара Шахиди, потоа кинеската пејачка Крис Ли, шпанската пејачка Росалија, како и француско-италијанската уметница Стела Роверси.
Клер Фој
Кристен Стјуарт
Индија Мур
Росалија
Јара Шахиди
Миа Гот
Крис Ли
Кристен Стјуарт
Ема Вотсон
Јара Шахиди
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари