Инспирирана од германската културна авангарда, поточно од кореографката Пина Бауш, уметникот Џозеф Бојс и режисерот Рајнер Вернер Фасбиндер, италијанската креаторка Миуча Прада ја содала новата женска колекција, што вчера ја претстави на Модната недела во Милано. Водена од делата што зад себе ги оставија уметниците, кои трасираа нова креативна есетика во повоена Германија, таа ја доврши приказната што ја почна со колекцијата за посилниот пол промовирана пред еден месец на машката модна недела во истиот град. Вториот акт на „Прада“ почна со капути инспирирани од машките палта и зимски парчиња облека. Како и во претходната ревија, и тука беа промовирани модели за двата пола. Тие се комбинација од луксузни парчиња, крзно во неколку бои, сатен, тантела… Застапени се мрачи основи, во црна кафена и темо сива боја, украсени со силни нијанси на црвена, порокалова, жолта, виолетова и други. „Прада“ се надоврзува на трендот што почна во есенските колекции и на другите поголеми модни куќи- на шарени креации со впечатливи дезени и бои.
Нема коментари