Една од најочекуваните ревии на Модната недела во Милано без сомнение беше дебито на Раф Симонс со Мијуча Прада како креативен тандем на иконската италијанска модна куќа Prada. Откако минатиот февруари беше најавена оваа нова соработка, вљубениците во модата со нетрпение го очекуваа плодот на спојот на двата модни генијалци. Резултатот е поврзување на препознатливите кодовите на Prada со уникатниот стил на Симонс, а претставен на вчерашната ревија што се одржа во една просторија во Fondazione Prada.
Колекцијата за пролет-лето 2021 е моден дијалог меѓу двајцата дизајнери со спротивен стил, но кои имаат многу нешто заедничко, како љубовта кон современата уметност, визијата за убавина, љубов кон униформираност, сличен став кон облеката, изразена индивидуалност и големем придонес во историјата на модата. Нивната заедничка креативност донесе колекција која е унија на женственост и андрогиност, утилитаризам и фантазија, креации налик на високата мода од 50-тите со доза на современен уличен стил.
Конкретен моден дијалог меѓу Мијуча и Раф се случи на крајот на презентацијата кога дизајнерите дискутираа 20 минути, а разговорот можете да го проследите во видеото погоре, веднаш после презентацијата на колекција.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари