Седум години по лансирањето на La Vie est Belle, козметичката компанија Lancôme го лансира новиот парфем Idôle, мирисна композиција посветена на жената која одлучно и моќно чекори низ животот, која останува на патот на оптимизмот и самодовербата, која одбива компромис и секогаш останува верна на себеси, која е одлучна и во потполност го живее својот живот, која ги гледа своите успеси како средство, а не како цел, која поместува граници и која го создава светот на иднината. Lancôme Idôle веќе е на полиците на македонските парфимерии, а компанијата „Еликсир“ дополнително го претстави на промотивен настан во „Вила Веранда“ во Скопје.
Во амбиент обоен во розова боја специјално за промоцијата, со мотиви на роза, розови коктели и инспиративни пораки, се запознавме со приказната за новиот мирисен „Идол“ на Lancôme. Заштитно лице на парфемот е актерката и пејачка Зендаја, а цветниот мирис доаѓа спакуван во шишенце со дебелина од само 15 мм, со што е најтенкото парфемско шишенце во светот.
-Lancôme го замисли својот одличен нов мирис во будењето на оваа современа женственост. Lancôme го следи својот сон: да ги слави жените и да ги придружува во патот кон среќата. Бидејќи низ историјата жените продолжиле да се менуваат, повторно да се откриваат себеси, брендот продолжил да ја следи нивната еволуција и да остане колку што може поблиску до нивните желби и стремежи. „Се обликува нова визија на успехот. Idôle е мирис на женственост која освојува – изјавува Françoise Lehmann, глобална претставничка на брендот.
Инспирацијата за создавање на овој парфем лежи во ојачувањето на жените ширум светот, со цел да ги поттикне бестрашно ја осмислат сопствената приказна за успех, да утврдат во која насока сакаат да одат, и на крајот – да успеат. Зад компонирањето на Idôle стојат три талентирани жени, Shyamala Maisondieu, Nadège Le Garlantezec и Adriana Medina, три жени парфимери кои доаѓаат од три различни континенти и носат три различни сензибилитети кои ги преточија во создавањето на парфемот. Резултатот е цветен и чист мирис, кој во срцевината има екстракт од латици од роза од Испарта, Турција, роза одгледувана специјално за Lancôme Idôle.
IDÔLE e за жените од новата ера. За самоуверените жени се ослободија од традициите и го менуваат поимот успех. Lancôme се проширува на нова територија, создавајќи ја новата зависност на иднината, која сè до денес останува неистражена: „чистина”. „Чистото”, поле со мириси на освежувачка чистота, се наоѓа онаму каде се среќаваат благосостојбата и утехата. Како недопрена територија која содржи неограничени ветувања и можности, „чисто” е мирисен превод за бели страници на кои секоја жена може да ја испише својата приказна.
Нема коментари