КАН 2018: Жени протестираа на црвениот килим за еднаквост во филмската индустрија

За време на Канскиот филмски фестивал 82 жени – актерки, режисерки, снимателки, сценаристки, продуцентки, монтажерки, прошетаа на црвениот килим и заедно се фотографираа во знак на протест на ограничениот број на режисерки во натпреварувачките категории во текот на 71-годишното постоење на фестивалот. Бројот 82 одговара на бројот на филмови кои ги режирале жени и се нашле во конкуренција за Златната палма, што процентуално е многу малку во однос на 1.645 филмови режирани од мажи. Џејн Кампион засега е единствената жена режисер која што ја освоила Златната палма („Пијано“).

Меѓу жените кои протестираа за правата во филмската индустрија беа Кејт Бланшет, Салма Хајек, Џејн Фонда, Марион Котијар, Кристен Стјуарт, Ава Дуверни, Пети Џенкис… Тие се движеа по црвениот килим држејќи се за рака, на половина пат застанаа и во тишина стоеа како „симбол за недостапноста на целиот спектар на социјален и професионален напредок“, а на крајот застаа да се фотографираат на скалите на канската Кроазета и дел од моќната порака за родова еднаквот беше заедничката порака што ја прочитаа Бланшет и режисерката Агнес Варда. Пораката за еднаквост е испратена и со овогодинешното жири во кое членуваат повеќе мажи отколку жени.

Протестот доаѓа во месеците по скандалот во индустријата со продуцентот Харви Вајнстин, кого бројни жени го обвинија за силување и сексуално вознемирување.

Протестот се одржа во саботата, 12 април, пред премиерата на Les Filles de Soleil на француската режисерка Ева Хасон, кој раскажува за курдски баталјон составен од жени војници. Хасон е една од трите жени филмаџии од 21 филм кои се најдоа во конкуренција за Златна палма оваа година. Тјери Фремо, директор на Канскиот филсмки фестивал, изјави дека овој протест беше прилика жените да го потврдат своето присуство.

*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.