Хеди Слиман презентираше две нови колекции со потпис на модната куќа „Сен Лоран“ – машката за есен-зима 2016/17 и женската со назнака предесен 2016, на вчерашниот настан во Паладиум театарот во Лос Анџелес. Инспириран од калифорниската култура и неговата лична љубов кон музиката, Слиман претстави нови креации полни со винтиџ референци редизајнирани во духот на модната куќа и инспирирани од рокенрол музичари, како триделни костуми во стилот на Донован, смокинзи во стилот на Дејвид Боуви и мултиколорни, предимензионирани крзнени палта како оние на Џенис Џоплин. На ова Слиман додал и доза на андрогеност, ретро-стил, рокенрол глам, тесни фармерки, животински принт, ламе-материјали, кожа и кадифе, бомбер-јакни, везени палта, животински принт, сето тоа стилизирано со шапки и металик чизми, теми кои се испреплетуваат и во машката и во женската колекција.
Изборот на Лос Анџелес како град домаќин на ревијата не е случаен – големите модни имиња ја сфаќаат моќта на холивудските ѕвезди и на градот кој сè повеќе се наметнува како моден центар, оттаму и идејата на дизајнерот токму таму да ги презентира новите колекции на славната францука куќа. Секој што е некој во Холивуд и пошироко се појави на ревијата во Паладиум – Памела Андерсон со синовите, едниот од нив заштитно лице во најавата за настанот на „Сен Лоран“, Лејди Гага, Бек со синот, Џоан Џет, Лени Кравиц со семејтсвото, Џејн Фонда, Џесика Алба, Џастин Бибер, Кортни Лав, Гери Олдман, Алекса Чанг…
Лени Кравиц семејно и заедничка фотографија на Кортни Лав, Бек и Лејди Гага
Ема Робертс и Лили Колинс
Џоан Џет со Марк Ронсон и Гери Олдман со Деми Мур
Нема коментари