Доаѓањето на Рикардо Тиши како нов креативен директор во „Барбери“ донесе бран на промени во старата британска модна куќа, во својата новата колекција Tempest, наречена според Шекспировата „Бура“, оди чекор подалеку комбинирајќи го британското наследство на брендот со неговата визија за уличен стил и главните карактеристики на британската современа култура.
На ревијата за колекцијата за есен-зима 2019/20, прикажана вчера во рамките на Лондонската модна недела, тој помеша ексентрични модели позајмени од панкот, рејв-културата од 90-тите и уличната мода со модерна верзија на класичните „Бурбери“ дизајни.
Во првиот дел од ревијата прикажа поавангардни дизајни со смели кроеви, микс на спортски стил, тантела, корсети, кожени здолништа, светки и синџири, машки тренерки и јакни.
Вториот дел е многу повеќе женствен и префинет, со софистицирани и класични креации, секојдневна и вечерна облека, машки и женски одела во беж боја, а вметани се моделите на мантил, иконското парче на „Барбери“, како и принт на фустаните, марамите, кошулите со новото лого на брендот.
Севкупно и оваа колекција на „Барбери“ е посветена на Британија. И самиот Тиши вели дека „брендот не е само мода, туку сè што е британски живот. Брендот ја претставува Британија“.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари