Карл Лаферфелд со манекенката Кара Делевињ во финалето на ревијата на „Шанел“
Карл Лагерфелд како креативен директор на „Шанел“ секогаш подготвува спектакуларни ревии на различни локации во светот кога треба да ја претстави новата колекција на модната куќа означена како Metiers d’Art. Овојпат новата модна приказна ја прикажа во Салзбург, Австрија, на модно шоу во палатата Schloss Leopoldskron, пред повеќе гости и познати личности како Лили Ален, Руни Мара, Стела Тенант и Каролин де Мегре. Еден ден пред вчерашната ревија, Лагерфелд премиерно го прикажа краткометражниот филм „Реинкарнација“ со Кара Делевиљ и Фарел Вилијамс како реинкарнации ма австриската царица Сиси имладиот император Франц Јозеф. Лагерфелд сторијата на новата колекција почна да ја развива инспириран од посетата на Коко Шанел на Салзбург во 50-тите години од минатиот век, каде што пак таа ја нашла инспирацијата за легенарното шанел-сако и тоа во униформата на момчињата што разнесуваат гости во еден од лускузните хотели во градот.
Новата колекција на „Панел“ Paris-Salzburg се фокусира на стилот од австискиот кралски двор, а во која доминираат мрачни есенски бои како темноцрвена, зелена, сина кафена и повеќе тонови на кафена. Главната улога секако ја има познато шанел-сако, а креациите се збогатени со детали од царски церемонијални костими и со елементи на тиролски фолклор. Се разбира конечната интерпретација е наменета за модерното време. Во однос кроевите и материјалите, колекцијата е ода на карнери, тантела и вез. Лагерфелд призна дека како дете носел само lederhosen, оние тиролски бермуди со кожени трегери, кои сега му послужија како инспирација за новиот модел на чанта на „Шанел“.
Стела Тенант, Руни Мара и Карлин де Мегре
Нема коментари