Денови е актулена Миланската модна недела за колекциите за пролет-лето 2015, а претставувањето на „Гучи“ беше една од првите поголеми ревии. Во овој наш прв преглед на колекциите од Милано, избравме неколку видеа за подобро илустрирање на колекциите. Фрида Џанини, креативната директорка на „Гучи“, направи ремикс на старите стајлизни карактеристични за модната куќа. Карл Лагерфелд за „Фенди“ предлага цвет на орхидеја како мотив и кроеви инспирирани од модата и архитектурата на авангардните автори од 20-тите години од минатиот век. Мијуча Прада прикажа доста меланхолична колекција во темни бои, што е невообичаено за пролетни креации, а на социјалните мрежи се појавија коментари како – Што ќе носи Ана Винтур сега!? „Прада“ е премногу црно за неа – алудирајќи на „епитетот“ на уредничката (Ѓаволот носи „Прада“) и на нејзината неодамнешна изјава дека никогаш не би се облекла во црна боја од глава до петици. Кај „Емпорио Армани“, втората линија на Џорџо, забележавме симфонија во сино, а браќата Дин и Ден Кејтен за Dsquared2 прикажаа весела, младешка и сликовита колекција како предлог за наредната пролет.
Гучи
Прада
Фенди
Емпорио Армани
Dsquared2
Нема коментари