Во романтичен предпразничен амбиент, со чаша вино, удобно сместени во фотелјите на салонот за мебел Think во Дебар Маало, вчеравечер стотина гости, љубители на модата, јавни личности, новинари и клиенти ја проследија новата колекција на дизајнерката Јована Филиповиќ за есен-зима 2018. Доследна на својата постојана потрага по баланс меѓу женственоста и машкиот крој, креаторката создала уште една впечатлива и елегантна линија. Од зад дрвената соблекувална се редеа нови дизајнерски решенија за класичното бизнис-палто, по кое веќе е препознатлива Филиповиќ. Направила спој на неколку материјали и бои, а на грбот додала и метални украси.
Фото: Ани и Дими
-Инспирација за новата колекција за есен-зима 2018 ми беше арт- деко периодот и работата познатиот француски дизајнер и артист Romain de Tirtoff, или познат како Ерте. Kолекцијата ги носи бележјата, кроевите и стилот на мојата досегашна работа, меѓутоа овој беа застапени повеќе бои и принтови. Пристутни се и 3Д материјали и колор блокинг комбинации на веќе познатите модели со машки крој како блејзерите и капутите. Од материјали најзастапени се природните, како свила, памук, волна искомбинирани со кадифе и полиестер. Овој пат ревијата беше на поинаква локација од обично во поинтимен амбиент и пред помалкубројна публика. Самата колекција бараше малку поразличен тип на презентација каде што од блиску можеа да се видат и доживеат моделите-ни изјави Филиповиќ.
Со оваа колекција таа уште еднаш покажува дека навидум здодевните класични модели, може да бидат уникатни, иновативни и впечатливи, да отскокнат од средината, притоа да носат дискретоост и мистика. Во тој манир се и останатите парчиња, мантилите, елеците, килотките, кошулите, футраните и здолништата. Колекцијата има посвечен тон,со металик и светкави материјали, спакувани во отмен манири во функција на приказната. Дел од креациите беа збогатени со принтови, како сенки од облакодери и геометриски фигури, а се издвојуваат неколкуте креации со очи чии трепки се во 3Д.
Фото: Ани и Дими
Фустаните се во ретро стил, со свирена линија и нагласени ѕвонести ракави. Здолинитата се кратки и асиметрични. Посебно внимание посветила на мантилите и елеците, кај кои се случува вистинска игра со материјали и тонови. Доминираат црната, сината, сивата, сребрената, бронзената, белата, магента розовата и крем боја. Тие суптилно се поврзани во целина, и нежно се прелеваат и надополнуваат. Накитот е имплементиран во самите креации или умешно споен со стајлинзите. За фризурата на моделите се погрижи Бобан Тодоровски, а Дарко Мишовски за шминката. Убавата атмосфера беше дополнета и со соодветниот музички избор на диџеј Андреј Мицајков.
Фото: Ани и Дими
Фото: Ани и Дими
Фото: Ани и Дими
Фото: Ани и Дими
Фото: Ани и Дими
Фото: Ани и Дими
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари