Белградскиот креативен колектив Mikser отвори втор регионален центар на урбаната култура во Сараево. Наречен Mikser House, центарот е сместен во поранешна фабрика за железни вагони, во населбата Пофалиќи. Сараевскиот Mikser се простира на површина од околу 1.500 метри квадратни метри, поделен е на изложбен дел, Innovation Lab во кој ќе се одржуваат предавања и семинари, концептуалната продавница, Balkan Design Shop, галеријата Frederic Maurice, кафетерија, простор за концерти и претстави.
Впечатлив дел во просторот е голема инсталација на плафонот во вид на килим наречена „Балкански летечки килим“, дело на Адем и Орхан Никшиќ од Zanat. Забележлива е и фасадата на зградата во која е сместен центарот на која се испишани стиховите од Ovo je zemlja za nas на Екатерина Велика.
Mikser House во Сараево ги следи принципите на модерниот концепт на културна институција која спојува културни, едукативни, забавни, гастрономски и продажни активности во еден мултифункционален простор. На отворањето на Mikser House викендов се појавија многу познати личности од светот на дизајнот, уметноста и културниот живот од Сараево и регионот, а се одржа концерт на Детската филхармонија составена од млади музичари од Загреб Белград, Скопје и Сараево, заедно со виолинистот Јован Колунциџија. Настапи имаа и Рамбо Амадеус и ДЏ двоецот Жика Тодоривиќ (ЕКВ) и Урош Ѓуриќ.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари