Седум нови розови парчиња со кои ќе го освежите пролетниот изглед

Од stylist @StylistMKD · На февруари 23, 2017

Бебешка, кармин, пудра, магента , неонска и кремаста се само дел од нијансите на розова што оваа зима доминираа во уличната мода и во колекциите на брендовите за секојдневна мода. Се носеа розови капути, чизми, џемпери и други плетени парчиња. Овој тренд ќепродолжи во пролетните линии. Дури и најскептичните и најцинични љубителки на модата се изненадија колку лесно и добро се вклопува розовата во повеќе стилови и за различни ситуации и прилики во текот на денот на една современа жена. Надминат е стереотиот дека тоа е боја за девојчиња, сонувачки и несериозни жени, како и дами што негуваат треш изглед. Напротив, најде широка примена во деловниот имиџ, преку кошулите, чантите и костумите во смирени розови тонови, а го носат и девојки што сакаат поандерграунд комбинации. Тие носат џемпери, блузони и јакни во розова боја во спој со фармерки, кожени панталони или хеланки. И во спортските комбинации најде широка примена, доста се актуелни тренерките и патиките во нежнорозова боја. Доколку сакате да го освежите својот пролетен имиџ, ви предлагаме да инвестирате во седум нови розови парчиња. На листата се чанти, бомбер јакни, кошула, плисе здолниште, блузон, патики и костум.