Белградскиот дизајнер со македонско потекло, Марко Митановски, и хрватската пејачка Северина соработуваа на нејзината последна турнеја за која тој изработи авангардни костими, а викендов таа му гостуваше на неговата ревија прикажана во рамките на Белградската модна недела. А кога Северина ќе се појави на модна писта тоа изгледа спектакуларно – облечена во кожа во стилот на садо-мазо дама и качена на кочија што ја влече згоден, разголен и тетовиран манекен. Пејачката имаше црна маска преку очите, црн кармин и канџи наместо нокти.
Во моделите на Митановски се појавија и Тијана Дапчевиќ, облечена во црн фустан со нагласена структурална форма, како и Маид Хечимович, финалист на „Икс Фактор“. Дизајнерот Митановски стана препознатлив по несекојдневни креации, а светската модна критика го оцени како смел автор кој не се плаши да приредува спектакли. Негови дизајни се најдоа во едиторијали во светските модни списанија, неговиот стил и‘ се допадна и на Лејди Гага која во неколку наврати носеше негови модели, соработуваше и со Кети Мелуа, Софи Елис Бекстор, Сканк Ананси, а во 2011 година дизајнерот имаше модна ревија во музејот на славниот Кристобал Баленсијага во Шпанија.
Нема коментари