Скопје танцовиот театар информира дека од денеска, 23 март (понеделник) со почеток во 18:30 часот, ќе започне со бесплатно премиерно емитување на претстави во сопствена продукција, од архивата со која располага, со цел да допрат до публиката и сите љубители на танцот.
Вечерва, на FB страницата на https://www.facebook.com/skopjedancetheater/ ќе биде поставен директен линк до Youtube каналот на Скопје танцовиот театар, каде што публиката ќе може премиерно да ја проследи претставата „СМС (сите мои слики)“ во кореографија на Рисима Рисимкин, на музика на Дуке Бојаџиев, сценографија на Матеа Мијановиќ, а костими на Благој Мицевски. Во претставата настапуваат танчерите на Скопје танцовиот театар Адријана Данчевска, Дејан Битровски, Анастасија Данчевска, Тринга Хиса, Валентино Апостоловски, Јакуб Мунко, Матеа Киселичка, Александра Петрушевска, Дора Кокољ, Андријана Андреева, Роберт Кентер (Холандија), Ефтимиос Цимагерис (Грција), Патрик де Кирко (Италија), Ана Марковска, Елена Здравевска. Претставата е премиерно изведена во 2015 година, а истата година во мај, гостуваше на најголемиот фестивал во Пекинг „Средба во Пекинг“ во култната зона „Арт дистрикт 798“.
Програма за оваа недела, љубителите на танцот ќе може да ја видат во целост на Facebook страницата на танцовит театар.
Директен линк до вечерашниот онлајн настан:
https://www.facebook.com/events/2548896052032237/?event_time_id=2548896058698903
Нема коментари