Stylist.mk во соработката со MCF MKD ќе награди три наши редовни читатели со по две влезници за утрешните (сабота, 19 јули) проекции на филмот „Планета на мајмуните – Револуција“ во скопското кино „Синеплекс“. Најбрзите следбеници на Stylist.mk, што во inbox на нашата страница на „Фејсбук“ или со коментар под текстот на нашиот сајт, ќе ни набројат барем двајца актери, што играат во филмот, покрај глумицата Кери Расел, ќе освојат по две влезници. Добитниците ќе имаат можност со својата придружба да го гледаат филмот утре во термините 12.30, 15.00, 17.30, 20.00 21.30 и 22.30 (по избор). Вашите одговори ги очекуваме во текот на денот.
„Планета на мајмуните – Револуција 3Д “ на 20th Century Fox, чија скопска премиера беше вчеравечер, е второ продолжение на возонобновената приказна за Планетата на мајмуните. Во фокусот е заедницата на генетски модификувани мајмуни, која ја предводи интелигентното шимпанзо Цезар. Десет години откако катастрофален вирус ја покосил човечката популација, група преживеани луѓе се заканува да ги загрози. По краткотрајниот мир, двете страни ќе се најдат на работ на војна која ќе го одреди доминантниот вид на планетата. Режисерот на филмот Мет Ривс во филмот „Планета на мајмуните – Почеток“ (2011) го прикажува Цезар како симбол на водењето на бунтот, а објаснува што е срцето на новото остварување: „се обидовме да отидеме чекор подалеку во однос на филмот од 2011 г., да укажеме на вистинската морална дилема. Се поставува прашањето што не е така едноставно – дали луѓето се лоши, а мајмуните добри? Тука се работи за природата на едниот и другиот вид и нивната борба за опстанок. И тука се поставува прашањето на насилството – иако филмот се врти околу семејството, а тоа е она што, според мене, го одржува филмот. Се запрашувате: „можат ли да спречат тоа да прерасне во насилство? Дали овие две популации можат да спречат да се свртат една против друга?“
Одлучувачкиот конфликт меѓу луѓето и мајмуните се случува на крајот на последниот дел од филмот „Планета на мајмуните – Почеток“, па се јавува претпоставката дека филмот „Планета на мајмуните – Револуција“ е пост-апокалиптичен. И тоа е така од човечка гледна точка. Но, филмот не е даден од таа перспектива, туку од преспектива на Цезар и останатите мајмуни, така што тоа е пред сè филм за цивилизацијата на мајмуните. Тоа е почетокот на нивната револуција од местото каде Мет Ривс ги остави на крајот на првиот дел. Ривс и одличната актерска екипа која ја собрал ќе нè воведат во целост во светот на мајмуните.
Нема коментари