Хигиенскиот третман на лице во „Приве“ се спроведува со користење врвни природни препарати – пилинзи, масажни маски, хидро-хранливи серуми и креми кои резултираат со здрав, чист и свеж изглед на кожата
Кога е вистинското време да се почне со основни козметички третмани за лице и за тело, но и со третмани против стареење на кожата, е прашање на кое речиси сите девојки и жени бараат одговор. Врвните козметичари од реномираниот Центар за естетска козметологија „Приве“ во Скопје препорачуваат – што е можно порано. Професионална нега на лицето треба да биде дел од личната хигиена на секоја жена која држи до својот изглед. Затоа стручните лица од „Приве“ препорачуваат со овие основни третмани да се почне уште во пубертетот бидејќи најголемите промени и проблеми со кожата почнуваат токму тогаш. Со хигиенскиот третман на лице не се добива само негово чистење, туку и хидрирање на кожата и зголемена микроциркулација, со што се стимулира производството на колаген и еластин кои на кожата и даваатдолгорочна цврстина и еластичност.
Прв третман уште во тинејџерските години
Вработените лица во „Приве“, кои се специјалисти во оваа област, објаснуваат дека кожата на лицето секојдневно е изложена на смог, чад од цигари, сончеви зраци, ситни честички прашина, како и на остатоци од шминка, кои на прв поглед не се видливи, но долгорочно оставаат негативни траги врз кожата. Затоа на секоја девојка и жена која што нема други проблеми со кожата и се потребни редовни третмани за чистење на лицето најмалку еднаш до двапати месечно.
- Во нашиот Центар тоа се спроведува со користење врвни природни препарати – пилинзи, масажни маски, хидро-хранливи серуми и креми кои резултираат со здрав, чист и свеж изглед на кожата. Кога станува збор за длабинско чистење, се отстрануваат мртвите клетки од кожата со користење препарати за активирање на ткивната структура и враќање на чистиот и младешки изглед на лицето – велат од „Приве“.
Оттаму советуваат девојките во пубертет кои се соочуваат со проблематични акни редовно да посетуваат козметичар кој ќе спроведува стручен третман во зависност од проблемот.
- Нашиот центар располага со најсовремена опрема и препарати наменети специјално за терапија и нега на млада кожа со акни. Со нив, нечистата млада кожа која има потреба од чистење и регенерација активно се чисти на безболен начин со специјализираната acne линија. Во текот на лекувањето на акните се ублажуваат лузните и релјефните неправилности на кожата, при што се обезбедува регенерирање на нови и здрави клетки – велат стручните лица од „Приве“.
Револуционерни решенија со anti age ефект
Кога станува збор за anti age нега на лицето, препораките на експертите се со неа да се почне при првите знаци на стареење на кожата. Превентивната anti age нега се препорачува за кожа над 25 години, како и за поддршка на сите типови зрела кожа без изразени брчки. Во Центарот „Приве“ превентивните anti age третмани се изведуваат со најсовремена апаративна технологија во комбинација со ампули и серуми кои го подобруваат природниот одбранбен систем на кожата од стареење и поттикнува регенерација на нови клетки.
За позрела кожа, центарот нуди бројни револуционерни третмани за ревитализација кои делуваат веднаш и даваат видливи резултати. На клиентките им се достапни неколку видови мини лифтинг на природен начин, без користење на игли, како и третмани со активен кислород, радиофрекфенција, вакумски лифтинт итн.
Во поглед на негата на телото, првите третмани со кои почнуваат девојките и жените најчесто се антицелулитните, како и третманите за затегнување. „Приве“ располага со најсовремена опрема и технологија со која на клиентките им нуди брзи и долгорочни ефекти при третирањето на целулитот, како и во топењето на масните наслаги.
Нема коментари