Секогаш урбана, нежна, елегатна и модерна, британската актерка Кира Најтли одушеви во својот моден избор деновиве во Њујорк, за време на промоцијата на нејзиниот нов филм, Begin Again. Без разлика дали станува збор за вечерен изглед, или за дневна, посвечена варијанта, таа но ниеден момент не изгледаше предотерано и неудобрно. Самоуверено и со насмевка на лицето ги износе дневните и вечерни креации наменети за гостувањата во шоуа, интервјуа и за премиерата.
На 26 јуни, на црвениот килим до совршенство го износе темносиниот фустан со птици од есенската колекција на „Валентино“. Со „зачаден“ поглед и минимално руменило на усните таа изгледаше заводливо и отмено. Косата ѝ беше со романтични кадрици, а на себе имаше дискретен накит.
На забавата по премиерата носеше темносин фустан до коленици и голи рамена од „Ердем“ комбиниран со златни чевли и детали. „Валентино“ беше нејзиниот избор и за неколку дневни појавувања, меѓу кои и белиот макси фустан од тантела со ретро призвук, кој го носеше на прошетка со својот сопруг.
Нежен, речиси транспарентен бело-розов фустан беше нејзиниот избор за гостувањето во емисијата Morning во радиото Shade 45 at SiriusXM. Моделот е романтичен, бел до колена извесен со цветен дезен. Изгледот го комплетира со златни чевли со висока потпетица, и црна „Шанел“ чанта.
Фустанот за кој долго ќе се зборува е бебешко-синиот модел во стилот на 50-тите години по куси ракави. Го искомбинирала со сина клач канта и сребрени чевли, а косата ѝ беше собрана во внатрешни плетенки.
Нема коментари