Чорапи со чевли и сандали, портокалова и розова боја, цветни дезени, обетки како на „Долче и Габана“, мали чанти и здолништа со А-крој, се само дел од предлозите за оваа пролет на модниот новинар и креатор Небојша Толески. Авторот на модните написи и едиторијали во магазинот „Теа Модерна“, кој е етаблиран и како дизајнер на свечени креации, за Stylist.mk направи топ-6 листа со must have парчиња, што модерните дами треба да ги имаат во својот ормар оваа сезона.
1. Чорапи со чевли и сандали
На врвот на сите модни листи за оваа пролет се чорапите кои можат да се носат и со сандали и со чевли. Апсолутен тренд кој го лансираа скоро сите водечки модни куќи. „Сен Лоран“ тоа го направи највпечатливо – бели кратки чорапи со црни чевли кои имаат шпицест врв.
2. Потокалова револуција
Нова црна боја е портокаловата! Доминантна беше на четирите големи модни недели, а најмногу ја искористија Метју Вилијамсон, „Мулбери и „Прин бај Торнтон Брегази“. Нејзиниот спектар варира во зависност од типот на материјалот, но сите портокалови нијанси се во игра.
3. Цветни дезени, розова боја, нови отпечатоци
Не беше некое изненадување дека цветните дезени повторно ќе бидат во тренд. Тие секоја пролетна сезона „никнуваат“ во дизајнерските креации. Ели Сааб ги направи највпечатливи, ставајќи ги на бела основа. Розовите елементи во пролетните парчиња можеби беа за изненадување, како и некои нови отпечатоци направени со посебни техничко-технолошки алатки.
4. Обетките на Д&Г
Масивни обетки со цветови, парички и модифицирана слама ни понудија токму „Долче и Габана“. Нивната автентичност веќе стана планетарен тренд.
5.Слатки мали и чанти со реси
Ели Сааб, „Гучи“ и Викторија Бекам воодушеват со чантички и чанти за различни пригоди. Мали чанти со долги тоалети, големи чанти со куси здолништа.
6. Ерата на здолништата
Скоро никогаш здолништата не уживале некој посебен моден статус. Сега се и тоа како актуелни, посебно оние со А-крој и плисетура. Модната куќа „Диор“ посебно е заслужна за нивното „воскресение“.
Нема коментари