Неколку зимски модни парчиња, неопходни во гардеробата во овој период од годината, покажуваат дека зимското облекување не е достадно и еднолично, туку подложно на експериментирање, шареноликост и секако на трендови.
1.ЈАКНА ОД ПЕРДУВИ
Главно зимско парче облека, монтките ги има во разлини бои и должини. Идеално е набавите јакна во неутрална боја, за да можете лесно да ја комбинирате со остатокот од гардеробата, а најпрактична за носење е онаа со средна должина.
2.КРЗНЕНА ЈАКНА
Елегантна на изглед и функционална затоа што одлично ќе ве стопли во студените зимски денови, бундата е уште клучно парче оваа сезона. Наша препорака и заложба е да изберете бунда од вештачко крзно.
3.ШИРОКИ ПАНТАЛОНИ
Зимава се носат широки панталони со висока половина, можат да бидат од џинс или од некој друг материјал, но клучно е да се предимензионрани. За да се смири ницниот волумен, предлагаме ваквите панталони да ги носите со тесна ролка и да се пикнете во чизмите за поинтересен изглед.
4.МАКСИ ФУСТАН СО ДОЛГИ РАКАВИ
За овој предновогодишен период, исполнет со разни журки и прослави, потребен ви е (барем) еден фустан од шифон, со макси должина и долги ракави. Складно се комбинира со елегантни капути, а се вклопува и во кежуал варијанти, на пример кога се носи со дебел џемпер одозгора и полежерни обувки.
5.ПРЕДИМЕНЗИОНИРАН ДЕБЕЛ ЏЕМПЕР
Зимата не можеме да ја замислиме без дебели и плетени џемпери, за оваа сезона тренд се оние со широк крој. Како за илустрација, тие треба да бидат како да се два броја поголеми. Предлог се и ролките кои добро загреваат, ама и умешно ја издолжуваат силуетата.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари