Оваа модна сезона тантелата е еден од најкористените материјали, таа е романтична и безвременска и овозможува големa разновидност. Следниве комбинации се наменети за пет различни пригоди, но даваат слика за малку поинакви и невообичаени стајлинзите кои не би помислиле дека може да ги носите. Тантела за на работа!? Зошто да не се прекрши деловниoт дрес-код, ама на суптилен и правилен начин. Забава во ноќен клуб во шорцеви? Само за најхрабрите и само доколку крајниот изглед е ослободен од нападна сексапилност и вулгарност. Мини фустан во интензивна боја за љубовен состанок – заводливо и забавно, овој фустан е соодветен за вечерно излегување со момчето, комбинирајте го со сандали со ремче, мала клач-чанта и само едно парче накит со едноставен изглед. 
Проѕирен топ за вечерно танцување – ова е малку поинаква вечерна облека. Комбинацијата од транспарнтна тантелна блуза со добро скроени шорцеви е алтернатива на малиот црн фустан за вечерно излегување. Стилистите предлагаат залижана коса и впечатливи обетки како завршница на изгледот. 
Фустан од тантела за на работа – иако е против бизнис правилата, тајната на овој деловен изглед е да се избере елегантен крој со долги ракави, затворено деколте и тантела која во никој случај не треба да биде проѕирна, повеќе да изгледа како принт, а не вистинска тантела. Комбинирајте со салонки и поделикатен накит. 
Романтична бела блуза за викенд прошетка – Тантелата и џинсот се супер спој за неформални пригоди. Комбинирајте со зимска моторџиска јакна и тренди ниски чевли со шпиц и ќе добиете лежерен, но модерен изглед. 
Здолниште за коктел забава – ова е нов начин како да носите волуменозно здолниште или фустан од тантела во стилот на 50-тите, важно е да го модернизирате целиот изглед со елегантен капут со машки крој и минималистички детали. 
Можеби ќе Ве интересира
Нема коментари