Како да изгледате „стајлиш“ во летните месеци - преглед на неколку тренди модни парчиња
ЛЕЖЕРЕН МИДИ ФУСТАН Со најразлични облици и бои за да ги задоволат сите лични стилови, миди фустаните навистина се главен тренд на летното облекување. Од памук или лен, со него лесно ќе склопите летен стајлинг, со што ќе ја поедноставите вашата утринска рутина. Само додадете златен накит и кожени влечки, и стајлингот е завршен.
КОСТИМ СО БЕРМУДИ Комплетот од добро скроени сако и панталони се позната опција за сите времиња, но оваа сезона панталоните доаѓаат во облик на бермуди. Соодветно на температурата надвор. Ова лето костимот со бермуди го живее својот моден момент, најдобро да е ленен, а предлагаме да го комбинирате со рамни чевли.
БЛУЗА ВО ПРЕРИСКИ СТИЛ Широки ракави и карнери, детали од тантела или хеклани парчиња, таканаречената прериска блуза добро стои со бохо здолниште или со ѕвонести фармерки во стилот на 70-тите и гладијаторски сандали.
САНДАЛИ СО ТЕНКИ РЕМЧИЊА Сандалите со ултра фини ленти му даваат моментална елеганција на вашиот изглед и се надополнуваат со сè – со панталони со должина до глужд, џинс-шорцеви, мини фустани, макси здолништа… Може да бидат ниски, но и со блок-потпетици или малку поткачени на платформа.
КОМБИНЕЗОН Ноншалатно модно парче исто како и фустаните споменати погоре, но со малку построг, утилитарен изглед. Има нешто толку „кул“ во ова едноделно парче. Кoмбинезонот има своја впечатливост, па затоа стајлингот треба да биде крајно минимален. Доволни си едно парче накит, обувки (дење влечки, навечер сандали со ремчиња) и чанта ако е навистина потребна.
ГОЛЕМА ТОРБА За на работа, за прошетка низ градот, за пикник, за да ви ги ги собере сите нешта, не ви е потребна класична чанта, туку голема торба, која што одговара на летната лежерност. Може да биде и од платно, а посебно ни се допаѓа овој модел на „Ботега Венета“ со плетена текстура.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари