Модната манифестација Моден викенд-Скопје од самиот старт е отворена за студентите по моден дизајн од домашните школи, а на претстојното издание на настанот, на 31 октомври, во 19 часот, во хотелот „Скопје Мериот“ ревија ќе одржат студентите по моден дизајн и текстилно инженерство при Технолошко-металуршкиот факултет.
Под водство на професорката Лидија Георгиева и во соработка со асистентката Јана Клопчевска, беше создадена креативна лабораторија во која идните дизајнери и биотехнолози на Технолошко-металуршкиот факултет во Скопје, ја градеа нивната приказна „РИТАМ И НАУКА”. Со желба за иновација и позитивна енергија, студентите од насоката за Дизајн и текстилно инженерство, заедно со студентите од катедрата за Прехранбена технологија и биотехнологија, соработуваа во кондензација на заедничките идеи. Ритамот беше клучна инспирација за 3Д одпечатоци, мириси, вкусови, дизајн на облека, дизајн на храна, фотографија. Сите сетила беа вклучени во процесот на работа – Ритамот е вибрација, бран, движење, звук, пулсирање. Денес, повеќе од секогаш дизајнот и технологијата се тесно поврзани, па иднината е токму во продолжувањето на таа соработката од која континуирано постои можност за нови идеи.
Нема коментари