Дизајнерката направи ресет за да произведе колекција која „сè за силуетата, архитектурата, структурата и само убавината“
Бело платно кое не се обврзува на некаква архива или задолжителното оддавање почит. Вака Клер Вајт Келер ѝ пристапи на колекцијата на висока мода за пролет 2019 на модната куќа „Живанши“. „Сè се сведува на свеж почеток. На чистење на куќата. Сакав да почнам со ништо, а потоа да ставам неверојатна боја во неа, неверојатни техники, сè за силуетата, архитектурата, структурата и само убавината“, изјави дизајнерката за пистапот за креирање на новата колекција за париската куќа основана од Ибер де Живанши.
Резултатот се храбри и супер модерни креации кои излегуваат од концептот на „висока мода која што се сведува на фустани за на црвен килим“. Во колекцијата се забележува мешање на остри, архитектонски линии со мекост и светлина, па видовме структурирани корсети, нови верзии на смокинг сакоа, фустани со смели изрези и транспарентни делови, модернистичко користење на тантела, реси и цветни апликации, фетишистички латекс вметнат во креаициите, кој како што вели дизајнерката е нејзината couture верзија на кожа“. Вејт Келер во својата трета haute coutute колекција за „Живанши“ го демонстрира фокусот кон беспрекорна техника и прецизна рачна изработка, притоа во прв план останува нејзината силна естетска насока која ќе се покаже успешна за иднината на модата во куќата.
Нема коментари