Блогерката Фросина Дамјановска предлага топ-5 модни парчиња за оваа пролет

Од Ана Несторовска · На април 23, 2015

Една од најактуелните блогерки кај нас, Фросина Дамјановска, која ги објавува своите модни гледишта на страницата Fashion & Couture (www.frosinna.com) за читателите на stylist.mk открива кои се нејзините топ-5 парчиња за оваа сезона. Пролетва таа не може без wraparound сандали, впечатливи обетки, В-изрез, капут или мантил во впечатлива боја и шешир.

1. Wraparound сандали

Слабата страна на жените се чевлите. Како најголемиот тренд оваа пролет ќе ги издвојам “обвојните” сандали. Со висока потпетици или пак ниски римјанки, сеедно, изгледаат префинето и секси. Лесно може со нив да се експериментира и одговараат на секаков стил.

2.Впечатливи обетки

Накитот ја збогатува секоја модна комбинација. Доколку се одлучите за поедноставен аутфит, ставете големи, екстравагантни обетки со интересна и штосна форма, и изгледот ќе добие посебна нота. Оваа пролет ин се шарени и долги обетки, со реси и различни камења. Сепак, изберете ги оние кои ќе го дефинираат вашиот стил.

3. V – изрез

За да постигнете елегантен изглед, тука се блузите со голем V-изрез кои никого не оставија рамнодушен оваа пролет. Подобро е блузата да биде едноставна,црна или бела за да може да ја комбинирате со повпечатливо здолниште. Овој модел одговара само со фармерки, панталони, здолништа и шорцеви со висок струк.

4.Капут/ мантил во дреч боја

Капутот е секогаш ин. Минатата пролет се носеа модели со пастелни бои, но оваа сезона во тренд се капутите во дреч бои. Јас ја избрав жолтата, која најубаво изгледа комбинирана со црн фустан до под колена или црни слим /искинати фармерки, високи потпетици или патики. Оговара и за дневни прошетки и за вечерни излегување. Едноставно и впечатливо.

5.Шешир

Трендовите се менуваат, но некои аксесоари никогаш не излегуваат од мода. Шеширот спаѓа во таа група. Тој некогаш бил статусен симбол, а сега е неизбежен аксесоар на секоја жена. Со што и да го искомбинирате загарантирано ќе изгледате добро. Дава посебна нота на женственост. Јас избрав темно-виолетов, кој убаво се вклопува со пастелна бунда и црни кожни панталони.