Јован Петровски, Јована Филиповиќ и Александра Митковска го отвораат есенскиот Моден викенд-Скопје

Организаторите на десеттото издание на Моден викенд-Скопје што ќе се одржи од 23 до 27 октомври во Скопје денес ја откри својата програма и најавуваат претставување на 20 дизајнери и модни куќи, гости и странство, работилници и предавања. Настанот кој е во знакот на млади креативци и темата на сензуална геометрија ќе стартува со Јован Петровски, македонскиот дизајнер кој веќе неколку години живее и работи во Бангкок, а кој во Скопје ќе се претстави со луксузните брендови SQUIRE и Blackout. Во истата вечер и на истиот простор, мултимедијалниот центар „Мала Станица“ ќе се ја видиме и новата колекција за пролет-лето 2015 на дизајнерката Јована Филиповиќ. Според програма следната вечер модната публика се сели во ноќниот клуб „Станица 26“ каде што ќе ја видиме колекцијата за пролет-лето 2015 на Vibrazioni by Aleksandra Mitkovska.

По подолго време во Скопје ќе се претстави дизајнерот Јован Петровски со линиите SQUIRE и Blackout Фото: David Heischrek

На 25 и 26 октомври во салонот Ауди‐Порше Македонија модни ревии ќе имаат Лидија Георгиева, Оливера Штакоска, Ирина Тошева, Олгица Ѓоргиева, Никола Петровски, Стефанија Насеска и Le Brand, а премиерно ќе се претстават и Инес Шабан, модната куќа HERA, Kufer by Andriana Dineva и JZJ by Zlatko Jovanovski. Во  соработка со Belgrade Fashion Week, во рамките на проектот „Зона  45“, Моден  викенд-Скопје ќе се затвори со ексклузивната ревија на српската дизајнерка Ивана Пиља, која е позната и со соработките со светски  познати имиња како Лили Ален и Дита Вон Тис. Шоуто на Пиља е најавено за 27 октомври во Телеком иновацискиот центар во Скопје. Дизајнерките Росица Мршиќ и Мила Кадриу ќе се претстават надвор од официјалната програма, па така Мршиќ нова колекција ќе открие на 31 октомври, а новото од Mcouture  by Mila Kadriu ќе го видиме кон крајот на ноември.

Во исчекување на новите колекции на Лидија Георгиева, Јована Филиповиќ и Александра Митковска

Едукативниот дел на настанот предвидува работилница за модни блогери и фотографи која што ќе ја одржи британската модна уредничка и стилистка Ребека Рој. Работилницата наречена „Модно блогирање“ е во органзиација на Моден викенд-Скопје и Британскиот совет во Македонија. Со  поддршка од Министерството за култура ќе се одржи и предавање на Роберт Кавел Кларк од онлајн платформата за дизајнери Not Just a Label, Кендал Робинс, програмски менаџер мода во Британскиот совет во Лондон, а со своја тема ќе се претстави и Stylist.mk преку предавање на уредничките Катерина Трајановска и Ана Несторовска.
Како резултат на соработката на Моден викенд-Скопје со модните манифестации од регионот, во Скопје доаѓа и српската дизајнерка Марина  Миќановиќ. Нашата Лидија Георгиева ќе настапи на претстојното издание на Belgrade Fashion Week, а Ирина Тошева ќе патува за Нови Сад. Како дел од програмата е најавена и детска ревија на „Софиленд“ со американски брендови, на која ќе гостуваат децата со Даунов синдром од здружението „Трисомија 21“ од Скопје, а со овој убав чин ќе им се помогне за нивна подобра интерграција во социјалниот живот.

Манекенката Моника Алексовска од „Подиум“ е заштитно лице на креативниот имиџ за новото издание на Моден викенд-Скопје

Тимот кој ќе се погрижи за реализација на десеттото издание е: Официјален партнер за шминка оваа сезона е „Авон Македонија“, за фризура – Lakme во соработка со фризерското студио „Бубе Студио Ин“. Guerlain‐ официјален парфем партнер на Моден викенд Скопје 10, партнер за убавина е „Космо“. Фото: Ани&Дими, официална модна агенција ‐ „Подиум“.  Покровители на настанот се Министерство за култура на Р.Македонија, Општина Карпош, Британски совет во Македонија.
Поддржувачи на Моден Викенд Скопје: Официјална вода на настанот традиционално – „Пелистерка“, домаќин и официјално возило на настанот – Porsche, официјално вино ‐ „Сковин“, официјална камера‐ Canon, официјална водка – Finlandiа.
Концепт и дизајн на имиџот на есенското издение е на Анита Гај. Промотивните фотографии со моделот Моника Алексовска од модна агенција „Подиум“ ги сними двоецот Ани и Дими,додека видеото- Марина Трајковска. За шминката се погрижи „Авон Македонија“ и Зоран Шурбевски, а за фризурата: Lakme и Бубе Студио Ин. Cтајлингот е на Виктор Цветановски. Кастинг директор е Ирина Илиевска, менаџер за односи со јавноста – Марија Илиќ, апродуцент: Светлана Богова‐Јовановска.