Миуча Прада во новата колекција за есен-зима 2016/17 ја прошири наутичката тема од машката колекција и ја збогати со нови моменти како златен брокат, корсети, ретро силуета, ремени преку капути и дамски стајлинг на ревијата на „Прада“ во Милано која според дизајнерката е колаж на женската историја. Жената од оваа колекција на „Прада“ е вагабонтка која е на патување низ животот.
Миучи ги фаворизира војничките палта врз женствени здолништа и фустани и разновидните корсети кои ја дефинираат силуетата и кои се носат врз јакните, фустаните или се зашиени врз палтата. Акцент е ставен на модните додатоци, на комплексните ѓердани, малите чанти и ремените на кои висат клучеви, и на гломазните чевли и чизмите со врвки.
Дизајнерката Прада за колекцијата вели дека е „колаж на сите на различни страни на една жена, вклучувајќи ги и клучните моменти од нејзиниот живот“ и смета дека „ние жените треба да разбереме кои сме сега“, како и тоа „дали се облекуваме да бидеме предмет или да бидеме моќни“.
Прада претстави и карирани и печворк капути, микс на шари и принтови, плисирани здолништа и мини фустани. По долго време на модна писта се појави и познатата манекенка Стела Тенант.
Нема коментари