Во 1997 година серискиот убиец Ендрју Кунанан го уби познатиот моден дизајнер Џани Версаче на скалите пред неговиот дом во Мајами. Овие скали пред вилата на Версаче станаа туристичка дестинација особено за они заинтересирани за работата на италијанскиот дизајнер, а неговата поранешна куќа денес е луксузен хотел кој ја задржал естетиката на Џани и на модната куќа „Версаче“.
Раскошната куќа наречена Casa Casuarina изградена во 30-тите години од минатиот век, Џани ја купил во 1992 одина и во неа вложил десетици милиони долари за да ја реновира и да ја декорира по свој вкус. Таа е уредена во максималистичкиот Версаче-стил, со фрески на ѕидовите, шаренило во собите, мермер во купатилата, скулптури во антички стил, со чинии и прибор за јадење креирани од Џани за компанијата „Розентал“, со базен украсен со мозаици и со мотивот на Медуза, заштитниот знак на Версаче.
Во денешно време вилата на Џани функционира како бутик-хотел наречен Villa by Barton G со десетина соби, хотел кој го задржал оригиналниот изглед со минимални измени. За ноќ во Villa треба да издвоите нешто повеќе од 1.000 долари, а во хотелот е снимана и новата епизода на American Crime Story, „Атентатот на Џани Версаче“. Серијата во која глумат Едар Рамирез, Пенелопе Круз, Рики Мартин ќе биде емитувана овој месец.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари