По повод отворањето на новиот бутик на париската модна куќа „Диор“ во Токио, дизајнерите на женската и на машката колекција, Марија Грација Кјури и Крис Ван Аш, одлучија новите колекции да ги прикажат токму во овој град и со тоа уште повеќе да се акцентира силата на односот на брендот со Јапонија. Новиот бутик се простира на шест ката во Ginza Six и е најголемиот Диоров во Јапонија. Отворањето беше проследено со ревија во градините на кровот на овој најголем продажен простор во Јапонија. Дизајнерката Кјури претстави haute couture колекција за која инспирација зеде од цветовите на јапонска цреша и од колекцијата Jardin japonais на Кристијан Диор од 1953 година. Пред ревијата, претставена беше и машката предесенска колекција на Крис Ван Аш, кој годинава слави една деценија креирање за „Диор“.
Јапонија и јапонската цреша инспирација за новата колекција на висока мода
Сидни Толедано, извршниот директор на „Диор“, во друштво на јапонската принцеза Такамадо во новиот Dior Ginza бутик во Токио
Машката предесенска колекција
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстоти поставете линк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари