Една од најзначајните изложби Young Balkan Designers(Млади балкански дизајнери) која го обединува дизајн секторот од регионот, ќе биде повторно претставена во Скопје за време на Skopje Design Week (Недела на дизајнот во Скопје). Оваа година, повторно под менторство на светски познатите членови на жири Константин Грчиќ и Никола Радељковиќ, ќе допатуваат 15 иновативни решенија на младата дизајнерска сцена од Балканот.
Темата на изложбата оваа година е со наслов New Analogue и ќе донесе продукти кои го содржат човечкиот допир со процесот на дизајнирање и производство, поврзувајќи го со материјалите, занаетите и техниките на изработка што се дел од културната традиција на Балканот.
{trikoN}, Ема Николова (Македонија)
Young Balkan Designers оваа година е составена од прототип решенија на дизајнери од Австрија, Босна и Херцеговина, Бугарија, Хрватска, Грција, Македонија, Романија, Србија, Словенија и Турција. Изложбата е дел од активностите на Балканската дизајн мрежа, основана од Друштвото на хрватски дизајнери од Загреб, „Миксер“ од Белград и „Јавна соба“ од Скопје. Пред да биде изложена на Недела на дизајнот во Скопје, изложбата беше претставена на фестивалот „Индиго“ во Љублана, Словенија.
Овогодинешното издание на Недела на дизајнот во Скопје (Skopje Design Week) ќе се одржи од 23 до 27 ноември во Центарот за дизајн и иновации „Јавна соба“ (Public Room) во Скопје.
Autumn Leaf, Veronica Olariu (Романија)
Construction Stacking Low Tables, Зоран Мојсиловиќ (Србија)
Contain_R, Радостина Станкова (Бугарија)
Ilkas Favourite, Anna Barbieri, Christian Daschek, Luis Daniel Pozo (Австрија)
Pebble Pot Family, Aristotelis Barakos (Грција)
Project MUSE (Mobil Unit School Easygoing), Соња Родиќ, Петар Благојевиќ
The Poetry Machine, MRKV (Србија) )
Tilsim, Berilsu Tarcan (Tурција)
Creating me slowly, Марјана Ткалец (Хрватска)
Нема коментари