Модниот бренд Зара ја претстави втората колекција од својата луксузна линија наречена Zara Atelier, фокусирана на концептот на занаетчиство. Одвереме навреме таканаречените хајстрит-брендови кој подуцираат брза мода по достапни цени, го зголемуваат влогот во однос на стилот, дизајнот и изработката и се посветуваат на полуксузни модни парчиња. Ако Зара во првата колекција стави акцент на капутите, сега Zara Atelier Collection 02 го слави фустанот во сиот раскош, односно оваа колекција содржи луксузни тоалети и впечатливи сандали на платформа.
Дизајните се доста разновидни и вклучуваат фустан со метални апликации и странични шлицови, како и дизајн со живописен отпечаток со кратки балон-ракави и светкаво ланче. Еден од дизајните е предимензиониран фустан со извезени детали во црвена боја, а има и модел во печворк-стил и со мониста.
-Колекцијата Collection 02_The Dress претставува фустани со свој идентитет во тоа што секој од нив доминира со свој стил и единствена шема. Украси, везови и ткаенини се главните ѕвезди на овие парчиња преполни со детали – велат од Зара.
Нема коментари