По повод меѓународниот ден на жената, 8-ми март, Скопје Сити Мол во соработка со Археолошкиот Музеј, Музеј на македонската борба и Ансамбл Македонија, ја организираат првата вонмузејска поставка на артефакти, носии и инсталации за жената во Македонијан насловена како „Жената во Македонија низ времето“. За прв пат, на едно место со голема синергија меѓусебе овие институции ќе ја прикажат жената во Македонија во вид на патување низ времето.
Свеченото отворање е на 7 март во 12 часот на главниот влез на Скопје сити мол. За време на свеченото отворање, македонската жена ќе биде претставена преку 8 археолошки експонати насловени како „Праисториските дами од Македонија”, 6 историски инфотабли каде е претставена „Жената борец за државност и самостојност”, како и 5 експонати кои ја отсликуваат македонската жена низ фолклорот. Во рамките на отворањето, во живо Ансамблот Македонија ќе изведе музички перформанс. Со цел доближување на жената низ етнолошка призма поблиску до скопската публика, овој музички перформанс ќе има и свое повторно прикажување во 18 часот.
Нема коментари