lookbook 0

Зимска модна носталгија за летото на Ивана Цветковска

Од Ана Несторовска · На декември 24, 2013

Фото: Виктор Наумовски, модел: Маја Ристевска

Младата креаторка Ивана Цветковска, која работи под брендот Evee, неодaмна изработи lookbook со фотографот Виктор Наумовски и моделот Маја Ристевска од „Мак моделс“ за својата колекција Summertime Sadness. Носталгија кон летото таа ја претворила во ведра колекција, која ја претстави на неодамнешното издание на Модниот викенд-Скопје. Моделите во себе го носат летото, но сепак се наменети за постудените денови, за сезоната есен-зима 2013/2014.
Во колекцијата има 12 комбинации или 31 парче и во истата преовладуваат здолништа и панталони со виска половина, фустани и кошули од провидна свила, како и елеци со брановидни кроеви. Сите парчиња се изработени од високо квалитетни и луксузни материјали, како свила, кожа и кадифе. Најзастапена е свилата, заради нејзината нежна нота со која се истакнува и надополнува убавината на женската фигура. Сталинзите се заокружени со ремени изработени од мека кожа во сивкасто-кафеава нијанса.

Фото: Виктор Наумовски

-Моделите се инспирирани од летото и мојот копнеж за повеќе топли деново. Не ја сакам многу зимата и сиот нејзин темен спектар на бои па затоа се одлучив колекцијата да биде повесела и во поживи тонови. Модните креации раскажуваат приказна за брановидните форми на морето, за топлината на летното сонце и за ведрината на синото небо.Најмногу експериментирав во поглед на комбинирањето на различни структури на материјали: кожа која ги дефинира линиите и контурите на телото во комбинација со свила која дава флуидност на прецизните форми. Колекцијата е избоена во спектар на сина и жолта боја, вклучувајќи и песочни нијанси со што се доловува тагата и копнежот по летната свежина и истовремено се избегнува зимското сивило. Целта на природните и брановидни кроеви застапени во колекцијата е да се даде што повпечатлив израз на женската убавина и нејзините атрибути-вели Ивана.

Фото: Виктор Наумовски

навезени со монистра кои на тој начин придонесуваат да се постигне совршен раскошен изглед на модните парчиња.
-Моделите раскажуваат за префинетоста и женственоста на урбана, софистицирана жена, мајка, ќерка со интереси кон модата, културата, уметноста и дизајнот, која пред се преферира неповторлив луксуз и екстравагантни дизајни. Мојот стил на дизајнирање како и стилот на облекување подразбира лежерна елеганција, безвременост, релаксиран луксуз, женственост, стил кој ја истакнува женската индивидуалност-вели таа

Фото: Виктор Наумовски, модел: Маја Ристевска

Интересот за модата на Ивана потекнува уште од најрано детство, кога посетувала курсеви за применета уметност. Дипломира на Европски универзитет во Скопје на Факултетот за арт и дизајн, насока моден дизајн. Во текот на студирањето учествуваше на неколку ревии организирани за студентите на моден дизајн во 2007, 2008 и 2011 година и одржани во рамките на Моден викенд-Скопје. Има учествувано на модната ревија по повод роденден на Холандската кралица во организација на Холандската Амбасада во Македонија во 2009 година, на модната недела во Битола во 2009 година, како и на ревиите во склоп на денови на претприемништво во 2008 и 2009 година.

Фото: Виктор Наумовски

По завршување на студиите учествуваше на модните ревии во организација на Американската амбасада во Македонија, на тема POP! Fashion и Jazz and Fashion. Оваа година на почетокот на октомври беше дел од работилницата на тема: „Kреативно претприемништво” во рамки на Скопската недела на дизајн 2013 година.

Фото: Виктор Наумовски

Досега има изработено една колекција со назив A Story of Beauty . Брендот Evee by Ivana Cvetkovska почнала да го развива веднаш по дипломирањето, пред една и пол година. Називот на брендот Evee (ИВИ) е всушност скратеница од нејзиното име. Етикетата моментално функционира само преку веб-страната eveecouture.com, односно со закажување на консултации.