Актерката Џенифер Анистон го покажа својот дом на страниците на списанието Architectural Digest, пространа куќа во Бел Ер, Лос Анџелес, изградена во средината на минатиот век, која што таа ја купи пред седум години за 21 милион долари и е реновирана и уредена во еклектичен стил. „Ако не бев актерка ќе бев дизајнерка. Ми се допаѓа процесот на уредување. Има нешто посебно во бирањето ткаенини и детали што ми ја храни душата“, вели таа.
Куќата во која Џенифер живее заедно со сопругот Џастин Теро и трите кучиња изградена е во 1965 година, а кога бирала нова куќа, веднаш ја засакала токму оваа поради големата црвена влезна врата. Вели дека веднаш почуствувала поврзување со куќата, но знаела дека треба многу реновирање за да ја доведе до изглед кој ѝ се допаѓа. За уредување на просторот го повикала дизајнерот Стивен Шедли која пак ги следел нејзините желби – да има многу дрво, камен и бронза, материјали кои имаат содржина и длабочина. „Колку и да е нешто многу убаво и гламурозно, пред сè треба да биде пријатно и да пружа топлина“, вели Шедли.
Во домот на Анистон има мешавина на рачно насликани позадини, свилени килими, мебел од средината на минатиот век и апстрактни експресионистички слики – изглед што Анистон го опишува како „Стариот свет се сретнува со Новиот свет“. Надворешниот простор е организаиран како серија меѓусебно поврзани отворени соби, тераси и мали градини инспирани од Азија. Во дворот е и модерниот базен како главна атракција на екстериерот, а покрај него има летна кујна, бар и уште простор за релаксирање и дружење.
Во домот и во надворешниот простор Анистон сакала да внесе зен атмосфера, но и да има многу секси расположение – „Секси чувството е важно, ама удобноста е од суштинско значење“, изјави таа за Architectural Digest. Целата сторија за домот на Анистон е објавена во мартовскиот број на ова познато списание за архитектура и уредување.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари