Цветната шара секогаш успева – како доаѓа пролетта расцветува модата. Додека предлагаме цветен дезен за овој период, како да ја гледаме Миранда Присли од „Ѓаволот носи Прада“ како ги превртува очите и иронично констатира ‘Цветови? За пролет? Колку револуционерно!‘. Ама овој принт навистина фунскционира, добро изгледа и скоро сите сакаме го носиме во одредена доза без разлика на разноликоста во стилот кај секој од нас. Има опција дури и за оние што сакаат да се облекуваат во црно, а и за оние кои вообичаено не носат шари. Во цветна шара од глава до петици или во минимална доза како детаљ на чантата, ова се идеите како да носите цветен дезен зависно од стилот што го негувате.
Долг цветен фустан на преклоп ако сакате женствен стил
Опција за оние што сакаат да носат црна боја – поситна шара на црна основа
Колортни панталони за оние што многу сакаат смели бои во гардеробата
Цветна марама околу вратот, раката, во косата или на чантата ако негувате минималистички стил
Свилен комплет во пижама стил доколку сакате удобност во облекувањето
Чанта со цветна апликација за во канеларија со строг дрескод
Комбинација за оние што следат трендовите и во која се задоволени следниве трендови за 2018: монохроматика, боја на лаванда, 3Д цветови
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари