Спортскиот бренд „Адидас“ ја продолжува соработката со непрофитната организација Parley for the Oceans со помош во нивната определба да ги очистат океаните од отпад. Неодамна ја претстави новата колекција на костими за капање направена од ткаенини и предиво од рециклирани мрежи за риболов и друг пластичен отпад собран од океаните. Океанскиот отпад во компанијата „Адидас“ се претвора во материјал наречен Econyl, кој ги нуди истите својства како најлонот кој вообичаено се користи за да се направат костими за капење.
Директорот за дизајн на „Адидас“, Роџер Хан, смета дека големите компании, каква што е и „Адидас“, имаат одговорност да ги спасат океаните. Тој вели дека само од една фрлена мрежа за риболов може да се продуцираат над 1.000 костими за капење. Според информациите на овој спортски гигант, 50% од целиот асортиман на костими за капење е направен од рециклиран материјал, 78% од Pool колекцијата од рециклиран полиамид, а целта на „Адидас“ е сите производи за пливање да бидат направени од рециклиран материјал.
Во 2015 година „Адидас“ креираше патики од рециклиран материјал собран од околината на Малдиви, а во април 2016 година компанијата компелтно ги отфрли пластичните кеси и ги замени со хартиени
Нема коментари