Ексклузивна верзија на патиките Adidas Forum со кои се слави непогрешливата кошаркарска култура на Балканот!
Адидас претстави два модели на ултра кул патики кои го носат називот Југопластика, во чест на 75 години од основањето на познатиот кошаркарски клуб од Сплит, своевремено трикратен шампион на Европа. Адидас во соработка со спортската продавница BSTN од Хамбург, креира патики во секавање на еден од некогаш најпознатите кошаркарски клубови во регионот, ама и пошироко.
КК Југопластика го носеше името на успешната фабрика, која остави голем печат во иконографијата на поранешна Југославија. Некои генерации ќе се потсетат на мирисот што го чувствувале кога како деца поминувале покрај продавницата на Југопластика на улица Македонија во Скопје, нели? Оваа фабрика од Сплит во 80-тите години производувала 4.5 милиони торби за Адидас.
Југопластика моделот на Адидас го има во две варијанти, ниски и високи, а имаат ретро изглед и се нова верзија на моделот Форум од 80-тите. Направени се во лимитиран број, односно само 150 пара. За да освоите еден пар од овие патики, BTSN организира хуманитарна лотарија, односно прво требаше да се пријавите онлајн и да платите едно евро, сума која оди во хуманитарни цели. Има и наградна игра на познатиот портал High Snobiety, како и giveaway на Инстаграм профилот на BTSN, ѕирнете дали уште се актуелни.
BSTN x Аdidas Forum ‘Ćevape and Fries’ патиките одат во комплет со спортска торба и пластично шише за вода, а комплетот е именуван „Ќебапи и пржени компири“. Еве и неколку објави на Инстаграм профилот BSTN поврзани со ова лансирање.
Нема коментари