Компанијата „Пирели“ денеска откри дека за календарот за 2019 година го ангажирале легендарниот фотограф Алберт Вотсон. На Инстаграм е објавено видео на кое се гледа како Вотсон, веројатно уште во април, работи на фотосесијата, но сè уште не се знае кои се моделите што позираат.
Календарот на „Пирели“ важи за најпознат и најпрестижен, и компанијата секоја година ги ангажира врвните фотографи и модели. „Пирели“ календарот во последниве години се одалечи од софт-порно фотографиите како почетен концепт уште од 1964 година, и последните календари ги посвети на славење на силните жени, наместо на разголување на жените.
Кејт Мос, Маракеш, 1993
Алберт Вотсон (76) во својата долгогодишна кариера има направено безброј модни едиторијали и портретите, ги фотографирал Алфред Хичког, Принс, Енди Ворхол, Дејвид Боуви, Стив Џобс. Во почетокот на 90-тите соработуваше со Кејт Мос на една фотосесија во Маракеш, што резултираше со оваа фотографија која што се смета заедна од најпознатите во кариерата на супермоделот.
Нема коментари