Можеби ја знаете како сопруга на холивудската ѕвезда Џорџ Клуни, ама Амал Клуни е повеќе од тоа – успешна адвокатка и активистка за човекови права, мајка на малите близнаци Александар и Ела, во моментов професорка по право на универзитетот Колумбија во Њујорк и сега и лице од насловната страница на мајскиот број на американски Vogue.
Фотографирана од страна Ени Лејбовиц во својот анлиски дом, Амал за првата страница позира во креација на Александар Меквин, во внатрешниот едиторијал носи повеќе креации, како фустан со точки од Џоана Ортиз и црвен џемпер од Оскар де ла Рента, а ја покажа и тогата и белата перика кои што британските адвокати ги носат во судница. Амал во интервјуто за Vogue открива како го запознала Џорџ во периодот кога се помирила со фактот дека никогаш нема да пронајде вистинска љубов и како актерот ја заведувал преку меил пораки.
Адвокатката зборува и за многу клучни теми – #МеToo движењето, контролата на оружје во САД, и нејзината работа за одбрана на Јазиди бегалките кои биле сексуално злоуботребувани од стран на ИСИС. За време на интервјуто, таа ја претстави својата клиентка Надја Мурад, 25-годишна Јазиди бегалка, номинирана за Нобелова награда за мир, која наскоро ќе објави мемоари за хоророт што го доживеала од страна на ИСИС.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари