Анџелина Џоли во интервју за Vanity Fair првпат проговори за разводот

„Работите тргнаа на лошо… Всушност не сакам да го користам тој збор, работите се тешки“, открива Анџелина Џоли во септемврискиот број на Vanity Fair за моментот кога сфатила дека се распаѓа нејзиниот брак со Бред Пит пред конечно тие да се разделат во септември минатата година. Овој септември таа е на насловната страница на познатиот магазин во чие интервју за првпат зборува за пропаднатиот брак. Анџелина и Бред беа заедно 12 години и имаат шест деца.

„Ова беше најтешкиот период, а сега само „доаѓаме“ до воздух. Сега даваме сè од себе да се опорави нашето семејство“, вели Анџелина и открива дека во најтешките моменти плаче под туш, подалеку од децата бидејќи не сака тие да се грижат за неа. „Тие мора да знаат дека сè ќе биде во ред, дури и кога како родител не сте сигурни во тоа.“ Исто така за првпат ја открива дијагнозата со која се соочува – Белова парализа која предизвикува ненадејна слабост во мускулите на лицето.

Во интервјуто за Vanity Fair зборува за тоа како децата ја поднеле новонастанатата ситуација и дека е целосно посветена на нив. На нивно инсистирање дури и почнала да зема часови по готвење. „Речиси секој ден е хаос во нашето семејство. Ги носам децата на лекар, во игротека, се пакуваме и распакуваме, им ги организирам оброците. Веќе девет месеци се обидувам да бидам домаќинка, го собира, изметот на кучето, мијам садови, им читам на децата приказни спиење. И сè подобра сум во тоа. Кога ќе си легнам во кревет се прашувам дали сум била добра мајка или сме имале само просечен ден“, вели таа.

Анџелина Џоли на насловната страница се појавува во креација на „Сен Лоран“ од есенската колеција. Фотосесијата ја направи фотографскиот тандем Мерт и Алас, а стајлингот е на Џесика Диел.

*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.