Полската супермоделка Ања Рубик сними неколку моќни фотографии кои се најдоа на насловните страници на полското издание на Vogue, преку кои праќа порака дека секоја жена има право на избор на абортус и бурно реагира против кризата околу ова прашање во нејзината родна Полска. Имено, на 22 октомври годинава, полскиот уставен суд донесе одлука за забрана на абортусот (дури и кога фетусот е оштетен), по што илјадници жени излегоа на улица во знак на протест и на некое време го одложија законот.
Како бунт на одлуката за забрана на абортусот, светски познатата манекенка Ања сама се фотографираше за Vogue, на една фотографија е сосема гола, а друга покриена само со црвен чаршаф и со рацете се вразни. На лицето има нацртано црвена молња, што е симбол на жените кои протестираат против законот кој го забранува абортусот.
-Овие се најважните и најличните насловни и автопортрети во мојата кариера. Креирањето на фотографии (со тим или сама) е мојот јазик, начинот на кој се изразувам, мојот протест, мојот бунт, нашата сила, болка, гнев и надеж. Верувам дека фотографијата има моќ да привлече внимание, да предизвика емоции, да започне разговори, да нè мобилизира на акција и да иницира промени. Правото на жената на избор е лакмусов тест за здраво, прогресивно општество. Овој момент во времето ќе влијае на полската заедница во наредните децении. Државата ги потиснува жените со целосна забрана за абортус и ограничување на нивните репродуктивни права. Репродуктивните права се човекови права, тие ја гарантираат слободата да одлучуваме за нашиот живот, нашите тела, нашето здравје и нашата судбина – порачува Ања.
Нема коментари