Balkan Emotion Fashion Days во Виена отворен и за македонските креатори

 Оваа година во срцето на Виена за прв пат се оформува уникатна модна недела презентирана од Paolo’s World Design посветена на дизајнери од Балканот. На настанот што ќе трае шест дена, од 29 април до 4 мај годинава, учество може да земат етаблирани дизајнерски имиња,  но и  млади дизајнери од Балканот со презентaција на  нивна колекција на виенската публика.

Во мноштвото на модни недели во светот Balkan Emotion Fashion Days се издвојува во концептот и идејата тоа да биде поинаков и многу поспектакуларен настан. Токму затоа тоа е местото каде дизајнерите од Балканот треба да се најдат.

Мотото на компанијата Paolo’s World Design e да се организираат настани кои не само што остануваат долго во умот, туку остануваат и во срцето на посетителите. Тоа е причината зошто Balkan Emotion Fashion Days ќе биде различен од сите други модни недели.

Концептот е многу едноставен. Од една страна не само што ќе се презентираат модните дизајнери од земјите кои што ќе присуствуваат, туку ќе биде претставена и национална храна, пијалок, музичари, уметници, како и танчерка од земјата.

На секоја вечер ќе се презентира различна земја. Оваа земја ќе биде претставена преку своите уметници , нејзините специјалитети и менталитет. На овие вечери желбата е   гостите  да се пренесат од нивното вообичаено секојдневие во прекрасениот и возбудлив емоционален  свет на Балканот. Посетителите ќе се чувствуваат понесени во срцето на Балканот и неговата особеност.

На првиот ден од модната недела ќе биде отворањето на настанот со познати дизајнери од Македонија, Србија, Хрватска и Босна и Херцеговина. Тие ќе ги презентираат нивните колекции со уникатно шоу.

Остатокот од модната недела им припаѓа на младите дизајнери, односно секој ден ќе бидат презентирани младите дизајнери од избраните земји преку интересно лајф-шоу. Тоа претставување може да биде  танцување, музички или било кој друг уметнички израз, кое ќе ја преставува земјата земјата на необичен и спектакуларен начин. Сликарите на пример, нема нивните слики да ги претстават така што едноставно ќе ги закачат на ѕид, туку тие ќе бидат интегрирани на модната писта.

На последниот ден од манифестацијата ќе има финална модна ревија со четири најдобри дизајнери од целата модна недела. Тие ќе бидат избрани од страна на стручното жири кое ќе биде составено од Paolos World. На крајот конечниот победник ќе добие вредни награди. Следува забава со која ќе заврши Balkan Emotion Fashion Days.

Победникот на модната недела ќе добие шанса да ја прикаже и продава својата колекција во времетраење од три месеци во просториите на Paolos World.  Победникот исто така ќе добие промоција на веб-страница, на „Фејсбук“ и ќе има ексклузивно интервју во австриското списание „Weekend Magazin ” .

Сите заинтересирани дизајнери кои досега не добиле покана може да се обратат на Билјана Сетиновска на следнава  имејл адреса: setinovska.paolosworld@gmail.com.