Француската модна куќа Coperni пред неколку сезони привлече внимание со серија на чанти кои брзо станаа хит, деновиве на Париската модна недела.создадоа момент за паметење кој неретко гради кариера и го менува светот на модата. На модната ревија за колекцијата за пролет-лето 2023 прикажаа револуционерна техника со која со помош на спреј може да се направи фустан на голо тело.
Имено, при крајот на ревијата на пистата излезе супермоделот Бела Хадид, скоро гола, а тројца техничари нанесуваа боја со спреј на нејзиното тело, за да „формираат“ изглед на фустан. Откако бојата ќе се исуши се претвора во ткаенина, која подоцна е обликувана во вистински фустан.
View this post on Instagram
Ова беше значаен момент за дизајнерите кои стојат зад брендот, Себастијан Мејер и Арно Вилан, успеаа да креираат „галама“ и илјадници реакции во медиумите и на социјалните мрежи. Препознатливи по футуристичко-шик естетиката, тие отидоа чекор во иднината во однос на технологијата и конструкцијата. Револуционерната техника која ја употребија дизајнирана е од шпанската компанија Fabrican, а станува збор за специјален полимер кој кога ќе се спои со телото станува цврста ткаенина.
Не може а да не се спомене дека овој на Coperni нѐ потсети на ревијата на Александар Меквин од 1998 година, кога манекенката Шалом Харлоу облечена во волуменозен бел фустан застана на платформа која се врти и кога роботи го боеа фустанот со спреј.
Нема коментари